صباح الهلالي

موضوع: صباح الهلالي الثلاثاء 13 ماي 2008, 8:18 pm

حرت مابين ابطل بين اجاريك
بسك ياشعر محتاج راسي
انه الساني متر والموت شبرين
خايف علطفال من السياسي
كلشي يجوزلك وشتكتب يجوز
فدوه ارجوك بس عوف الكراسي
اكتب علغزل علفرح علخير
لان شعبك ولاشايف مآسي
البصر مرات يخدع بالك تشوف
باوع علوضع بعيون حوله
اغمد سيف حرفك بالك تثور
العمر مرهون بالحرف التكوله
النفط والغاز يوصل بلئنابيب
بس عن الحسد خلينه جوله
لتمدد صرح ويسكفك تراب
عندي اطفال مو وكت البطوله
ترف جلد الحيايه ارسمه وتعيش
اموتك ياقلم من ترسم طيور
حاير بلوطن شعليك شتريد
بيتك من خشب لتسب القصور
عمر صار اربعين نعيش عميان
تعلمنه العمه شيفيدنه النور
شعليك الحواجز حاطن البيت
عندك بيت خاطر تبجي علسور
الناس بلاعقل لاتنصح الناس
منو انته تجي وتريد تفسير
بالك تنتفض فكرك ترى تروح
شبيه هسه الوضع وتريد تغيير
ابتله المسؤل بلوه بحصه الناس
بشر هوه المسؤل شيصير
الحصه الي تجي والماتجي تهون
علي موجان ياكل خبزه شعير
امدح لاتذم المدح هم زين
يسقط هلشعب تحيى السياسه
اجه نص الامان الباقي هم جاي
سولف علوضع بس بكياسه
المعلم خلي يموت يطبه طوبين
نحير بروسنه لو بالدراسه
ولك بيع البلابل والحمامات
الحمام تفيد لو كلب الحراسه
ولك لوبيك حظ سويتني انسان
بسيطه احلامي عايش على الاماني
عايش علحجي والساني محبوب
وعيش ابيش اذا كصو الساني
حلم عندي اعوف الشعر ورتاح
وصفك حالي حال البرلماني